Н.Алтанхуяг тэргүүтэй Шинэчлэлийн Засгийн газраас 2012 онд хэрэгжүүлсэн “Нүүрс” хөтөлбөр хэрэгжүүлэх явцад түүний зөвлөх байсан Л.Гансүхийг гурван хүний хамт  их хэмжээний мөнгө хувьдаа завшиж шамшигдуулсан гэх  хэргийг Улсын дээд шүүх яг одоо хэлэлцэж байна. Шүүгдэгчдийн өмгөөлөгчид шүүх хурлыг телевизээр олон нийтэд шууд дамжуулах  хүсэлт гаргасан боловч хүлээж аваагүй байна.
Л.Гансүхэд 3,6 тэрбум төгрөг завшсан гэх үндэслэлээр анхан болон давж заалдах шатны шүүхээс 4.6 жилийн хорих ял оноогоод байгаа юм.
Хэргийг Улсын дээд Шүүхийн Танхимын тэргүүн Т.Уранцэцэг, шүүгч Б.Бат-Эрдэнэ, Б.Батцэрэн, Ч.Хосбаяр, Б.Цогт нар шүүж, шүүх хуралд УИХ-ын гишүүн Н.Алтанхуяг, түүний өмгөөлөгч Ц.Баасандорж нарын гурван өмгөөлөгч мөн Б.Мөнгөнтуяа, Н.Даваахүү нар иржээ.