Өнөөдөр өглөөгүүр гал гараад байгаа олон улсын худалдааны төв “Нарантуул” зах галын аюулаас урьдчилан сэргийлэх талаар тун хангалтгүй ажиллаж байсныг энэ удаагийн галын тухай мэдээлсэн Онцгой байдлын албаныхан хэллээ.

Онцгой байдлын хурандаа С.Залуухүү “Галын аюулаас урьдчилсан сэргийлэх чиглэлээр 2015 оны хоёрдугаар сараас эхлэн хяналт шалгалт хийж зөрчлийг арилгуулж байсан. Нарантуул худалдааны төвийн удирдлагын зүгээс ч өөрсдөө хөрөнгө мөнгө гарган галын аюулаас урьдчилан сэргийлэх тал дээр анхаарч ажиллаж байсан. Хэдхэн хоногийн өмнө буюу 2016 оны хоёрдугаар сарын  26-нд галын аюулгүй байдлаа хангаж ажиллаагүй үндэслэлээр Нарантуул трейд ХХК-ийг  250 мянган төгрөгөөр торгож захиргааны хариуцлага тооцсон” гэлээ. Харин захын удирдлагагал гарах аюултай тэр зөрчлөө арилгасан эсэх талаар тэр дурдсангүй.