Тавдугаар сарын 9-нд ОХУ-ын нийслэл Москвад болох баярын парадад дэлхийн 20 улсын төрийн тэргүүн ирнэ гэж мэдэгдээд байна. Москва энэ түүхэн ойн баярын арга хэмжээнд оролцоно уу хэмээн манай гаигийн томоохон гүрнүүдийн төрийн тэргүүнүүдэд урилга илгээсэн юм. Өнөөдрийн байдлаар Европын холбоо, Тусгаар улсуудын хамтын нийгэмлэгийн орнууд, БРИКС буюу Бразиль, Энэтхэг, Хятад, Өмнөд Африкийн бүгд найрамдах улс, Шанхайн хамтын ажиллагааны байгууллагын орнуудын төрийн тэргүүн ирэхээ мэдэгджээ.
БНАСАУ-ын удирдагч Ким Чен Ун ирэх эсэхээ албан ёсоор мэдэгдээгүй байна. Харин түүнд урилга илгээсэн гэдгээ ОХУ-ын Гадаад хэргийн сайд Сергей Лавров мэдэгдээд байна.
АНУ-ын ерөнхийлөгч Барак Обама Ялалтын баярт оролцохоор Москвад ирэхээр төлөвлөөгүй байна гэж ОХУ-д суугаа АНУ-ын Элчин сайд Жон Теффт мэдэгдээд түүний айлчлалын талаар ямар ч техникийн бэлтгэл хийгээгүй байна гэсэн байна. Тэрээр “Би энэ талаар дуулаагүй. Миний л мэдэх ямар нэгэн төлөвлөгөө байхгүй” гэж хэлсэн байна.