Манай улсад дүрвэгчийн статустайгаар амьдрах хүсэлт мэдүүлсэн Украины иргэд ажиллаж болно гэж Оросын Гадаадын иргэн харьяатын асуудал эрхэлсэн газар мэдэгдлээ.

“Ийм статустай болохоор хүсэлт мэдүүлэн түр хоргодож байгаа хүмүүс ажиллаж болно. Тэднийг ОХУ-д байх хугацаанд бид тусламж дэмжлэг үзүүлнэ” гэж ОХУ-ын Гадаадын иргэн харьяатын асуудал эрхэлсэн газрын тэргүүн Константин Ромодановский мэдэгдсэн юм.

Оросын холбогдох албаны хүмүүсийн мэдэгдсэнээр, тус улсад байгаа украин дүрвэгчдийн тоо 850 мянга болжээ. Оросын 2014 оны 12 дугаар сарын албан ёсны статистик мэдээллээс үзвэл, Украины 223 мянган иргэн ОХУ-д дүрвэгчийн статустайгаар амьдрах хүсэлт мэдүүлсэн байна.