“Баррель нефтийн үнэ 100 долларт хүрэхийг бид хэзээ  ч дахиж харахгүй. Би жилийн өмнө баррель нефтийн үнийг 100 доллараас өсгөх нь зохиомол зүйл гэж хэлж байсан шүү дээ” гэж Саудын Арабын хан хүү, тэрбумтан-хөрөнгө оруулагчя Аль-Валид ибн Талал хэлснийг Bloomberg мэдээллээ. Тэр бас Саудын Араб нефть олборлох хэмжээгээ бууруулахгүй гэсэн байна.
“Нефть олборлож нийлүүлэх  хэмжээ өмнөх шигээ байвал эрэлт багасч, үнэ нь цаашид ч унасаар байх болно. Харин нийлүүлэхээ багасгавал эрэлт жаахан нэмэгдэж үнэ өсөх биз. Гэхдээ баррель нефтийн үнэ 100 ам.доллараас давахыг бид хэзээ ч дахиж үзэхгүй гэдгийг би баттай хэлэх байна. Энэ үнэ чинь зохиомол шүү гэж би бүр жилийн өмнө хэлж байсан шүү дээ” гэж тэрээр USA Today-д өгсөн ярилцлагадаа онцолжээ.
Лондонгийн ICE Futures бирж дээр өнөөдөр баррель нефть 48,82 ам.долларын үнэтэй байна.
Өнгөрсөн оны үеийнхээ баррель нефтийн үнэ 50  хувиар унаад байгаа юм.