Францын шог сэтгүүл Charlie Hebdo лалын шашны ргэгээнтэн Мохаммедийг шоглон зурсныг эсэргүүцсэн олон нийтийн цуглаан жагсаал ирэх долоо хоногийн даваа гарагт ОХУ-ын Чеченьд болно гэж тус бүгд найрамдах улсын тэргүүн Рамзан Кадыров мэдээлжээ.  Ийм байдлаар чеченьчүүд “франц сэтгүүлчдийн ёс зүйгүй үйлдэлд өөрсдийн байр сууриа илэрхийлж хариу барих”-ыг хүсч байгаа болохоор бид нийт ард түмний цуглаан зохион байгуулж энэ тухай хэлэлцэхээр шийдвэрлэлээ гэж тэрээр instagram-даа бичжээ. Эсэргүүцлийн цуглаанд 500 гаруй мянган хүн оролцоно гэж тооцоолсон байна.  
“Бид бүхий л шашныг хүндэтгэдэг. Гэхдээ хэн ч бидний шүтээн, гэгээнтнийг доромжлохыг зөвшөөрөхгүй” гэж Кадыров тэмдэглэсэн байна.
         
Францын Charlie Hebdo шог сэтгүүл гадна нүүрэндээ лалын гэгээн Мохаммедийн шог зургийг нийтэлсний төлөө нэгдүгээр сарын 7-нд зэвсэгт этгээдүүд редакци руу нь халдаж 12 хүний амийг хөнөөсөн юм.

Мөн хэнэ аймшигт халдлагын дараа нэгдүгээр сарын 14-нд гарч байгаа дугаарынхаа нүүрэнд бас гэгээн Мохаммедийн шог зургийг дахин нийтэлж байгаа юм.