Америкийн Мичиган мужид их цас орж замд халтиргаа үүссэнээс 150 машин мөргөлдсөн том осол гарчээ. Пиротехник ачсан ачааны машин эхлээд мөргөлдсөнөөр дэлбэрч гал гарсан байна. Осол болсон газарт бас азотын хүчил ачсан машин явж байсан байна. Хүчил бас шатаж эхэлсэн ч гал сөнөөгчид шуурхай унтраажээ. Ослын улмаас нэг хүн нас барж, бэртэж гэмтсэн 16 хүнийг эмнэлэгт хүргэсний нэг нь хүнд байгаа гэнэ.