Даваа гаригийн оройн хаалтаар Москвагийн бирж дээр доллар 64,44, евро 78,87 рубльд хүрч оросын мөнгөн тэмдэгтийн ханш  урьд байгаагүй хэмжээнд хүртэл уналаа. Энэ нь зөвхөн энэ өдөрт л гэхэд рублийн ханш 8 хувь унаж дэлхий дээр хамгийн их суларч байгаа валютын тэргүүн эгнээнд орсон байна.
2014 оны эхнээс рублийн доллартай харьцах ханш 40 хувь унаад байсан  бол украины гривен 46 хувиар унажээ. Мөн Ганын седи, аргентины песо тус бүр 25 хувиар унасан байна. Арванхоёрдугаар сарын 15-ны даваа гарагт харин рублийн ханш ингэж 8 хувь унаснаар жилийн хугацаанд ханш нь 48 хувиар суларч дэлхийн сул валютыг тэргүүлж эхэлж байгаа нь энэ.