Ирэх оны тавдугаар сард тэмдэглэх аугаа их Эх орны дайны ялалтын 70 жилийн дурсгалын медалийг ОХУ-ын Санкт–Петербургийн  зоос гоёлын ордонд цутгаж эхэлсэн байна.
                                        
2013 оны арванхоёрдугаар сарын 21-ний өдөр ОХУ-ын Ерөнхийлөгчийн зарлигаар баталсан загвараар бол энэ медаль нь 32 мм-ийн радиустай дугуй мөнгөлөг дэвсгэр дээр зөрүүлсэн сэлэм, винтовны наана улаан таван хошууны голд алх хадуур дүрслээд тойруулсан цагаан дэвсгэр дээр “Эх орны дайн” гэсэн бичиг, доор нь 1945-2015 гэсэн байх юм байна.
                                             
 Харин ар талд нь “1941-1945 оны Аугаа их Эх орны дайны ялалтын 70 жилийн ойд” гэж бичжээ.

Медалийг нийтдээ 1,5 сая хувь хийх юм байна. Энэ медалиар Эх орны дайнд оролцсон бүх цэргийн албан хаагч, гадаад орны иргэд, партизаны отрядад байлдаж явсан хүмүүс, ар талд хөдөлмөрлөж байсан иргэд, насанд хүрээгүй байхдаа ажиллаж байсан хүмүүс, дайны жилүүдэд эзлэгдсэн газар нутагт ажиллаж хөдөлмөрлөж байсан хүмүүст олгох юм байна.