ОХУ-ын Волгоград хотын таксины жолооч залуу найз бүсгүйгээ архи уучихсан болохоор унтаж байна гэж бодоод 16 цагийн турш авч яван хэрэг гарчээ. Тийм ч болохоор найз бүсгүйгээ амьсгал хураахад нь тусламж үзүүлж чадаагүй байна. LifeNews сайтад бичсэнээр бол бүсгүй өөрийн танил 28 настай залууг хотын нэг районоос аваач гэсэн юм байна.  Замд явж байхад бүсгүйн бие муудсан ч жолооч болохоор зүгээр л унтаж байна гэж боджээ.
Ингэхээр нь залуу машинаа зогсоогоод амрахаар шийдсэн байна. Өглөө 10,00 цагийн үед жолооч залуу сэрээд харахад бүсгүй унтаж л байсан гэнэ. Залуу машинаа асааж хотоор баахан давхиад оройн 17 цагийн үед л гэрт нь хүргэж ирсэн хойноо учрыг мэдэж түргэн тусламж дууджээ. Эмч нар ирээд бүсгүйг бүүр эрт нас барсан болохыг дуулгасан гэнэ. Шүүх эмнэлгийнхэн бүсгүйн биед гадны ямар нэгэн халдлагын ул мөр байхгүйг мэдэгдсэн байна.