ОХУ-ын нийслэл Москва хотын метроны “Международная”  өртөөний орчимд ахуйн хий дэлбэрсний улмаас 11 байшингийн 26 байр шатсан хэрэг гарчээ. Дэлбэрэлт, түймрийн улмаас гурван хүн бэртэж гэмтсэн байна. Тэдний нэг 89 настай эмэгтэй их хүнд, сэхээн амьдруулах тасагт байгаа юм байна.
16-ны ням гарагт ахуйн хэрэглээний байгалийн хий дараа дараалан дэлбэрч үүний улмаас гарсан түймэр тэр дороо тархаж 11 байшинд авалцсан гэнэ. Онцгой байдал, аврах албаныхан нийт 600 орчим хүнийг нүүлгэн шилжүүлжээ.
Хийн даралт гэнэт ихэсч, орон сууцанд тархсанаас дэлбэрсэн гэж урьдчилсан байдлаар дүгнэж байна.