Forbes сэтгүүл дэлхийн алан хядагч бүлэглэлүүдийг хөрөнгийн хэмжээгээр нь жагсаасан байна.

Алан хядагч зэвсэгт бүлэглэлүүдээс хамгийн баян нь Ирак, Сирийн зарим нутгийг хянаж байгаа “Лалын улс” бүлэглэл болжээ. Энэ зэвсэгт бүлэглэлийн жилийн орлого нь 2,0 тэрбум ам.доллар болж байна. Үүгээрээ энэ бүлэглэл хамгийн баян төдийгүй жилд хамгийн их орлого олдог гэдгээрэээ тэргүүлж байгаа юм. АНУ-ын Сангийн яамны тооцоогоор “Лалын улс” бүлэглэл Сири, Иракын нутагт эзэлж авсан нефтийн орд газруудаасаа өдөрт сая  доллар олдог байна.

Хоёрдугаар байрт жилд нэг тэрбум ам.долларын орлоготой палестины ХАМАС бүлэглэл орж байна.

Гуравдугаарт Колумбын хувьсгалт зэвсэгт хүчин гэдэг байгууллага жилийн 600 сая долларын орлогоороо оржээ.

Дөрөвдүгээр байрт ливаны шит урсгалын “Хизбалла” бүлэглэл жилд 500 саяын орлоготой гэнэ.

Айргийн тавд лалын афганистаны “Талибан” хөдөлгөөн орсон нь жилдээ 400 орчим сая долларын орлоготой ажилладаг гэнэ.

Алдарт “Аль-Кайда” түүний холбоотон зэвсэгт бүлэглэл жилийн орлогоороо зургадугаарт жагсч 150 орчим сая доллар олдог гэжээ.

Пакистанд байрладаг “Лашкар-и-Тайба” бүлэглэл сомалийн “Аш-Шабаб” тус бүр 100 сая,Ирландын  бүгд найрамдахчуудын арми 50 сая, нигерийн “Боко Харам” зэсэгт бүлэглэл 25 саяын орлоготой ажилладаг гэж эхний 10-т орсон байна.
Алан хядагч, зэвсэгт бүлэглэлүүд хар тамхи наймаалах, дээрэм, эзэлсэн орд газрын түүхий эдийн наймаа, зарим үед дэмждэг улс орнуудаас санхүүгийн дэмжлэг авах зэргээр санхүүждэг байна.