Японы Засгийн газар тус улсын зэвсэгт хүчнийг хилийн чанадад байлдааны ажиллагаа явуулахыг хориглосон Үндсэн хуулийн заалт болон бусад хоригыг өөрчилж байгааг эсэргүүцсэн япон хүн Токио хотын төвд өөрийгөө шатаасан байна. Хэргийн газар ирсэн цагдаа нар Шинжо Абэ болон парламентын хоёр танхимын дарга нарт зориулсан бичлэг бүхий видео камер олсон байна. Энэ бичлэг дээр өөрийгөө шатаах болсон шалтгаанаа тоочсон байжээ.

Үүнээс өмнө энэ оны зургаадугаар сард зэвсэгт хүчний үйл ажиллагааг хязгаарласан заалтыг өөрчлөх гэж байгаа сургаар бас нэг хүн өөрийгөө шатаасан хэрэг гарч байсан юм. Японы Засгийн газар энэ мэт олон эсэргүүцэлтэй тулгарсан ч Үндсэн хуулиандаа өөрчлөлт оруулж шаардлагатай үед Японы зэвсэгт хүчин хилийн чанадад байлдааны ажиллагаа явуулдаг болгож чадсан. Гэхдээ энэ өөрчлөлт нь нэг онцлогтой бөгөөд нөхөрсөн орныг хамгаалах байлдаанд оролцож болно гэсэн нөхцөлтэй. Гэсэн хэдий ч энэ өөрчлөлтийг олон мянган хүн эсэргүүцэж байгаа юм.

Дэлхийн хоёрдугаар дайны үед миллитарист Японы зэвсэгт хүчин ямаршуу хэрцгийлэл үйлдэж, эргээд тэр нь японы ард түмэнд ямар их гай авчирсныг санаж байгаа болохоор тэр биз.