Хойд Солонгосын удирдагч Ким Чен Ун нэг хэсэг олны нүдэнд харагдахгүй алга болсны дараа таягтайгаар гарч ирсэн. Түүнийг шагайндаа мэс засал хийлгэсний улмаас ийн таяг тулах болсон хэмээн Өмнөд Солонгосын тагнуулын албаныхан мэдээлсэн. Өнгөрсөн аравдугаар сард Ким Чен Уны зүүн шагайнд ургасан бэлцрүүг мэс засал хийж авахаар Европын эмч нарын баг Пеньян руу ниссэн хэмээн тухайн үед шуугьж байсан.  
Тэгвэл умардын удирдагчийн мэс заслын дараах зовиур арилсан бололтой, таяггүй явдаг болжээ. Тэрээр өнгөрсөн даваа гарагт армийн удирдлагатай уулзаж, зураг авахуулах үедээ таяггүй явж байгааг төв хэвлэл нь дамжуулсан байна.