“Тендер авч өгнө”, “Тендерт зуучилна” хэмээн иргэд, компаниудыг хууран мэхэлж, их хэмжээний мөнгө залилсан тохиолдол гарсан тул Нийслэлийн Худалдан авах ажиллагааны газраас сэрэмжлүүлэг гаргалаа.

Уг хэргийг шалгуулахаар Нийслэлийн Худалдан авах ажиллагааны газраас хүсэлт гаргасаны дагуу Цагдаагийн байгууллага шалгаж байгаа бөгөөд одоогоор 30 гаруй хохирогч гомдол мэдүүлээд байгаа аж. Худалдан авах ажиллагааг мэргэжлийн байгууллага зохион байгуулах болсноор тендер нээлттэй, ил тод явагддаг болсныг албаныхан сануулж, тендерт оролцогсдыг зальт этгээдийн хохирогч болохгүй байхыг анхаарууллаа.