Британийн эрдэмтэд эмэгтэй хүний хэдэн насандаа гаргасан хүүхэд бусдаас илүү ухаалаг,чадварлаг хүүхэд байх вэ гэдгийг тогтоохоор 11 жилийн туршид судалгаа хийж 176 гэр бүлийн хүүхдийн оюун ухааны чадварыг судалж үзжээ.

Судалгаанаас үзэхэд тухайн эмэгтэй хэдэн насандаа ээж болсон нь хүүхдийн оюуны чадавхитай шууд хамааралтай буюу хэдий л хожуу төрүүлсэн байна тэр нь илүү ухаалаг байна гэсэн дүгнэлтэд хүрсэн байна.
Дээрх 176 өрхийн хүүхдүүдийг судалж үзэхэд ээж нь 16-22 насандаа гаргасан хүүхдүүд IQ-ээрээ бусдаас нэг их ялгарахгүй байгаа нь харагджээ.
Эрдэмтдийн үзэж байгаагаар бол 25 хүртэлх насандаа буюу эрт жирэмслэх нь залуус гэр бүлээ урьдчилан төлөвлөгөөгүй байдгаас эхчүүд төрөхийн өмнө стресст орох нь элбэг байдаг гэнэ. Ингэж ирээдүйн ээж  сэтгэхүйн дарамтад орох нь бойжиж байгаа ургийн оюун ухаанд муугаар нөлөөлдөг байна.
Харин нас тогтсон эмэгтэйчүүд бол жирэмсний үеэ маш тайван өнгөрүүлдэг гэнэ. Ер нь хүүхэд төрүүлэх хамгийн тохиромжтой нас бол эмэгтэйчүүдийн 27 нас гэж эрдэмтэд үзжээ. Статистик мэдээнээс үзэхэд 27-гоос дээш насандаа хүүхэд төрүүлж байгаа эмэгтэйчүүдийн дөнгөж 18 хувь нь л жирэмсэн үедээ сэтгэлийн хямралтай байдаг гэсэн тоо гарчээ.
Тийм болохоор жирэмсэн үедээ тайван амгалан байж, нөгөө талаас амьдралд байр сууриа олсон эмэгтэйгээс төрсөн хүүхэд ухаалаг байдаг гэнэ. Үүнээс үүдээд судлаач, эрдэмтэд ухаалаг хүүхэдтэй болъё гэвэл 27 наснаасаа хойш л гарга гэж зөвлөж байна.