БНАСАУ-ын удирдагч Ким Чен Ун энэ есдүгээр сарын дундуур шагайндаа мэс засал хийлгээд одоо Пеньяны эмнэлэгт хэвтэй байна гэж “Чосон ильбо” сонин мэдээлсэн байна.  “Удирдагч Ким Чен Ун долдугаар сард баруун шагайндаа гэмтэл авсан гэж сонссон. Сүүлдээ энэ гэмтэл нь хоёр шагайнд нь тархсан” гэж эх сурвалж хэлжээ. Хэвлэлийн мэдээлснээр бол БНАСАУ-ын удирдагч, нам төрийн өндөр албаныхныг эмчилдэг Bonghwa Clinic эмнэлэгт сэргээн засах эмчилгээ хийлгэж байгаа юм байна.
Ким Чен Унгы есдүгээр сарын 3-нд тоглосон концертод очсоноосоо хойш олон нийтэд харагдаагүй хэмээн Өмнөд Солонгосын хэвлэлүүд бичиж байна. Барууны хэвлэлүүд ч Пеньянд болсон ёслолын үеэр удирдагчийг доголж байсан гэж бичиж байгаа юм. “Америкийн дуу хоолой” станц умард Солонгосын телевизийн оператор нь их удирагчийнхаа эрүүл мэндийн сул байдлыг нуулгүйгээр ил гаргасныг гайхаж байгагаа дамжуулсан байна.
Олон улсын шинжээчид болохоор  Ким Чен Уны эрүүл мэндийн энэ асуудал нь Пеньянд өрнөж байгаа цэргийн өндөр албаныхны Засгийн эрхийн төлөөх тэмцэл ширүүсч байгаагаас болоод сэтгэлийн хямралтай байгаагаа нуух гэж олны нүднээс далд байх гэсэн оролдлого хэмээн бичиж байна.