Японы Фүкүшимагийн атомын цахилгаан станцад цахилгааны доголдол гарч, одоо хүртэл засварлаж чадахгүй байгаа аж. Цахилгааны гэмт нэг, гурав, дөрөвдүгээр реакторт гарсан ч одоохондоо хөргөх системд нөлөөлж амжаагүй байгаа гэнэ. Реакторын хөргөх систем цахилгаангүй дөрвөн өдөр байхад дээд түвшиндээ хүрч, аюул нүүрлэдэг байна. Атомын цахилгаан станцыг хариуцдаг ТЕПКО компани гэмтлийг даруй засахаар ажиллаж байна хэмээн мэдэгджээ.
Одоогоор реакторын түлш хамгийн халуун байгаа хэсэгт 30,5 хэм хүрсэн байна. Энэ нь аюулгүйн лимит болох 65 хэмээс 35 орчим хэмээр бага гэсэн үг.
Фүкүшимагийн АЦС 2011 оны гуравдугаар сарын 11-ний газар хөдлөлт, цунамигийн гамшгаар эвдэрч, гурван ч реактор нь ажиллагаагүй болж байсан юм.