Энэтхэгийн Керал мужийн эрх баригчид Раман нэртэй зааныг энд болдог баяр наадмын үеэр гурван хүний амь хөнөөсөн хэрэгт буруутган шүүх болоод байна.  Гурван метр 17 см өндөртэй энэ заан уг нь манай гаригийн хамгийн өдөр заан болохоор ямар ч баяр ёслолд түүнийг заавал оролцуулдаг гэнэ. Гэтэл өнгөрсөн нэгдүгээр сарын 27-нд болсон шашны баярын үеэр  заан ихэд догширч гурван ч бүсгүйн аминд хүрчээ. Түүнийг баривчилж мужийн байгаль хамгаалагчдын хараа хяналтад хорьсон боловч шүүх эхний хуралдаанаараа эзнийх нь хүсэлтээр 42,5 мянган еврогоор батлан даалтад гаргаж болох юм гэсэн байна.
Харин Раманыг ойрын гурван сарын хугацаанд баяр ёслолын ямар нэгэн арга хэмжээнд оролцохыг хоригложээ. Түүнийг бас эмнэлгийн шинжилгээнд оруулж ямар дүн гарахаас шалтгаалан цаашдын хувь заяаг нь шийднэ гэнэ.