Афган иргэд Узбек улстай хиллэдэг “Арал-Пайгамбар” арал руу халдаж хилчид рүү дайран зэвсэг булаахыг оролдсон байна. Хилийн застав руу дайрсан 30 гаруй хүнээс афганы дөрвөн хүн шархадсаны гурав нь газар дээрээ нас баржээ. Хилчдийн хууль ёсны шаардлагыг хүлээн авалгүй дайрсан учраас арга буюу гал нээхэд хүрсэн гэж узбекийн тал мэдэгдээд нас барсан хүмүүсийнхээ шарилыг авахыг хүссэн ч афганы хилчид авахаас татгалзжээ.
Энэ он гарсаар афганы талаас хил зөрсөн 22 удаагийн тохиолдол гарч афганистаны 106 хүнийг саатуулжээ. Узбек-афганы хил 137 км үргэлжилдэг юм байна.