Хятадын Ардын их хурлын гишүүд өнөөдөр түүхэнд тэмдэглэгдэх нэгэн чухал үйл явдлын гэрч болж байна. Тэд Хятадыг ирэх 10 жилд удирдах даргаа дөнгөж сая сонголоо. БНХАУ-ын даргаар хэнийг сонгох нь өнгөрсөн намар болсон Коммунист намын их хурлаас тодорхой болсон ч энэ удаагийн сонгууль бол тэр сонголтыг албан ёсоор баталгаажуулж буй хэрэг бөгөөд, БНХАУ-ын дарга Ху Жинтао Си Жинпинд ажлаа хүлээлгэн өгч байна.   Үүгээр Хятадын эрх баригч Коммунист нам дотор эрх мэдлээ шилжүүлэх үйл явц үндсэндээ дуусч, шинэ үеийн удирдлага албан ёсоор ажилдаа орж байна гэсэн үг.
Өнөөдөр болсон санал хураалтын дүнд Ху Жинтаогийн халааг авах Си Жинпинийг БНХАУ-ын удирдагчаар зарлаад, харин маргааш Ерөнхий сайд Вен Зяабаогийн оронд Засгийн газрын тэргүүнээр ажиллах Ли Кецианыг томилох төлөвтэй байна.  
Хятадын Ардын их хурал ням гаригт өндөрлөнө.