Хятадын баруун хойд Гуйжоу мужийн Мачаны гүний уурхайд хий алдан дэлбэрч  тэнд ажиллаж байсан 83 уурхайчнаас 21 нь амь алджээ. Аврагчид 58 хүнийг амжиж дээш гарган, 21 хүний цогцосыг олоод байгаа ч дахиад дөрвөн хүний хувь заяа тодорхойгүй байна.
Хятадын нүүрсний салбар дэлхийд хамгийн осолтой салбар болоод байна. Хятад улсын хэмжээнд 16 мянган уурхай байдаг гэдэг ч 80 хувь нь санхүүгийн тайлан гаргадаггүй, аюулгүй ажиллагааны талаар ярих ч юмгүй гэнэ. Хятадын нүүрсний уурхайнуудад гарсан ослын улмаас жилдээ 6000 орчим хүн нас бардаг гэсэн тооцоо байдаг. Сүүлийн жилүүдэд эрх баригчид үүнд онцгой анхаарч аюулгүй ажиллагааны шаардлага хангаагүй, дүрэм зөрчсөн албан тушаалтанд хатуу арга хэмжээ авч, шүүхэд шилжүүлж, хэдэн арван уурхайг хааж, лиценз зөвшөөрлийг нь цуцалж байгаа ч байдал нэг их дээрдэхгүй байгаа юм.