ОХУ-ын Адыгейн бүгд найрамдах улсын нийслэлд “Адыгайн гоо бүсгүй-2013” уралдааны сүүлийн шалгаруулалт болж нийслэлийн соёлын төв пиг дүүрэн хүнтэй,  тэмцээнд оролцогч гоо бүсгүй Галина Чмилийн эмээ ч тэдэн дунд байсан байна. Харамсалтай нь ач охиноо дэмжээд амьсгаа даран сууж байсан түүнийг суудал дээрээ нас барсныг хэн ч мэдээгүй, арга хэмжээ үргэлжлээд дууссан байна.  Төгсгөлд нь л мэдэж, ухаан алдчихсан юм байх гээд  түргэн тусламж дуудаж, төрөл төрөгсөд нь ч ирсэн. Олон нийтийн ийм сайхан арга хэмжээг гутааж, хүмүүст эвгүй сэтгэгдэл төрүүлсэндээ тэд уучлал гуйсан гэж Соёлын өргөөний ажилтан хэвлэлийнхэнд хэлжээ.
Эмч нарын дүгнэлтээр 66 настай эмэгтэй ач охиноо хараад сэтгэл нь хэт их хөдөлсөндөө зүрхний шигдээс болсон гэсэн байна.