ОХУ-ын Санкт-Петербург хотын ойролцоо Таллины зам дээрх Замын цагдаагийн шалган нэвтрүүлэх постын дэргэд 33 настай Оксана Гусарова хүүхдээ төрүүлсэн байна. Нөхөр нь гэргийгээ төрөх газар  хүргэх гэсэн ч эмнэлэг хаалттай байхаар нь ойролцоо хотын эмнэлэгт хүргэхээр явсан ч хүү замдаа төрсөн нь  тэр гэнэ.
“Манай постын дэргэд саарал өнгийн тэрэг ирж зогссон. Машинаас айчихсан эрэгтэй гарч ирэн “Эхнэр маань машинд төрж байна. Түргэн дуудаарай”  гэж хашгирсан. Тэгээд бид түргэн тусламж дуудаад хүлээж байж байтал эмэгтэй төрчихсөн. Тэгэхээр нь бид эх хүү хоёртой машиныг дулаан газар, гараашт  оруулсан” гэж замын цагдаагийн ээлжийн ахлагч Константин Кошкин ярьжээ.  Эмч нар ч тэр дороо ирж, хүйг нь таслан эмнэлэгийн тусламж үзүүлэн төрөх газарт хүргэсэн байна. 51 см, 3,4 кг жинтэй төрсөн хүү, эхийнхээ хамт бие нь сайн гэж эмч нар хэлжээ.