Бямба гарагт хятадын нийслэлд болсон хүчтэй шороон шуурганы улмаас Бээжин хотын “Шоуду” нисэх буудлын гуравдугаар терминалын дээврийн нэг хэсэг хуурч унасан байна. Саяхан шинэчилж хийсэн “Нисч байгаа луу” нэртэй энэ өвөрмөц дээвэр салхины хүч 30 метр хүрсэн хүчтэй шуурганд тэсээгүй байна. Салхины хүч их байснаас гадна хот даяар маш их хэмжээний тоосонцор унаж харанхуйлсан байна. Энэ салхины улмаас мөн Ляонин мужид цахилгаан дамжуулах шугам гэмтээснээс хоёр мянга гаруй байшин барилга цахилгаангүй болжээ.