Католик шашны сүм хийдийн тэргүүн болох кардиналууд Ром хотноо хуран цугларч, шинэ пап ламыг сонгох хурлаа эхлээд байна. Дэлхийн хүн амын бараг долоо хүн тутмын нэг нь буюу 1,2 тэрбум хүн шүтдэг католик шашны сүм хийдийг тэргүүлдэг 100 гаруй кардинал Ромд ирсэн байгаа юм. Тэд одооноос пап ламын суудалд хэнийг нэр дэвшүүлэн, сонгохоо ярилцаж эхлээд, ирэх долоо хоног гэхэд эцсийн шийдвэрээ гаргах юм. Гуравдугаар сарын 24-нд эхлэх Ариун долоо хоногоос өмнө шинэ пап ламаа суудалд нь залахаар Ватикан төлөвлөж байгаа юм. Тиймээс пап ламыг сонгох кардиналуудын сонгуульд ирэх долоо хоногт болох ажээ. Пап лам болохоор 80-аас нэр дэвшүүлж болохуйц 80-аас доош насны 115 кардинал байгаа аж. Өмнөх пап лам XVI Бенедикт эрүүл мэндийн шалтгаанаар шашны тэргүүний сэнтийгээсээ татгалзсан нь сүүлийн 600 жилд тохиолдоогүй түүхэн явдал болж, улмаар шинэ поп сонгох ёстой болоод байгаа билээ.