Казахын Алма-Ата хотын эрдэмтэн Владимир Осколков К1.kz сайтад өгсөн ярилцлагадаа монголын эзэнт гүрнийг байгуулсан их байлдан дагуулагч Чингис хааныг хаана оршуулсан газрыг нэрлэсэн байна.
Эрдэмтний хэлж байгаагаар бол монголчууд эзэн хааныхаа шарилыг битүү ой бүхий газар их л нууцалж оршуулсан байна. Түүхчийнхээр бол энэ нь Алтайн хязгаарт байгаа юм байна. “Тэр газар нь хүнгүй, хүмүүс очиж чадахгүй, очдог байлаа ч гэсэн тун ховор очих тийм л газар байх ёстой” гэж Осколков хэлсэн байна. Тэр газраа эрдэмтэн Алтайн хязгаарын Лениногорын хөндий гэжээ. Энэ бол чулуун зэвсгийн үед хүмүүс амьдарч байсан ул мөр байдаг ч хүрэл болон төмрийн үед хүн амьдарч байгаагүй газар гэнэ. “Энэ нутаг бол хагас метал ашигт малтмалын хүдэр элбэгтэй, хүн амьдрахад таатай нутаг. Тэгээд бас Иртыш мөрний нэг цутгал Ульба гол эндээс эх авдаг. Энэ голыг даган хүмүүс амьдарч байсан байж таарна. Социализмын үед монголоос зөвлөлтийн Семипалатинскийн мах комбинатад нийлүүлдэг байсан бод малыг энүүгээр туудаг байсан. Одоо ч Улаанбаатар-Москвагийн чиглэлийн авто зам дайран өнгөрч байгаа. Гэхдээ энэ газарт 1786 онд оросын судлаач Риддерийг иртэл хүн нутагладаггүй эзгүй газар байсан юм. Энэ бол монгол, түргийн дурсгалт газар” гэж эрдэмтэн ярьсан байна. Осколков хятад, монгол, орос, казахын эрдэмтэд Алтай хязгаар бол их зээн хааны оршуулсан газар гэж хүлээн зөвшөөрч байгаа үнэхээр монголын эзэнт гүрний их хааны шарил энд л байгаа гэсэн байна. http://tengrinews.kz
