“Twilight” киноны жүжигчин Бронсон Пеллетир Лос Анжелосын нисэх буудалд олны нүдэн дээр бие засч, цагдаад баригджээ. “Twilight”-ын чононуудын нэгд тоглодог, 25 настай Канадын жүжигчин Америкийн нисэх буудалд байхдаа ямар нэг зүйлд мансуурсан нь илт байсан бөгөөд шаардлага тавьсан нисэх буудлын ажилтны хариуд шууд л морь харжээ. Түүний энэ балмад үйлдлийг нисэх буудалд байсан олон хүн харсан бөгөөд удалгүй цагдаа ирж баривчилжээ. Түүнийг шалгахад кокайн авч явсан нь илэрчээ. Энэ хэргийнхээ төлөө жүжигчин залуу зургаан сар хүртэл хоригдох магадлалтай байгаа бөгөөд энэ сарын 7-нд шүүх хурал нь болох ажээ.