Дэлхийн өнцөг булан бүрт болж буй дуудлага худалдаанаас хийсэн ажиглалтаар 2013 онд цуглуулагчид юуг илүү сонирхож худалдаж авах вэ гэсэн асуултын хариултыг ийн олжээ.
Ларк Мейсон бол iGavel Auctions дуудлага худалдааг үндэслэгч. Тэрээр эртний хуучны үнэт урлагийн зүйлсийн худалдаачин. Түүний үзэж буйгаар 2013 онд хүмүүс хуучний уран нарийн хийцтэй цагийг илүүтэйгээр цуглуулах гэнэ.  Мөн цуглуулагчдын анхаарлыг хамгийн ихээр татах өөр нэг зүйл бол үнэтэй бас удаан хадгалсан дарснууд. Дарс цагнаас ч үнэд хүрч магадгүй хэмээн тэрээр үзэж байгаа юм байна. “Хүмүүс идэж буй ууж буй бүтээгдэхүүнийхээ үйлдвэрлэсэн хугацааг заавал үздэг. Учир нь бид сайн бүтээгдэхүүнд л дуртай байдаг. Тэгэхээр дарсны ках зээл сэргэнэ гэдэгт би хувьдаа итгэлтэй байна” хэмээн Мейсон ярьжээ.
Анхаарлын төвд байх өөр нэг зүйл бол орчин үеийн урлагийн бүтээлүүд.  Мейсон чинээлэг цуглуулагчдад Грекийн хямрал, Европын тогтворгүй байдаг огт нөлөөлөхгүй гэж үзэж буйгаа ч нуусангүй. Шинэ онд өөр нэг үнэт зүйл бол хуучны мебель эдлэлүүд байх нь. Мебель эдлэл эргэн мода болж, сайн хадгалагдсан хуучны эдлэлүүдэд ямар ч айлд тавих газар олдоно гэдгийг Мейсон баталж байгаа юм.
Шинжээчийн онцолж байгаа өөр нэг зүйл бол хуучны гар буу. Хоёр зууны өмнөх хуучны буунууд цуглуулагчдын хувьд үнэт өв болох нь. предметов
1,9 сая ам.доллараар үнэлэгдсэн дарс
Австралийн дарсны алдарт Penfolds брэнд “The Penfolds Collection” нэртэй дарсны цуглуулгаа 1,9 сая ам.доллараар үнэлжээ. Үүнийг Лодндогийн Hedonism Wines нэртэй дарсны дэлгүүрээс л худалдаж авч болох нь. 60 жилийн өмнө дарсан энэхүү дарс нь шил бүр дээрээ “Penfolds”-ийн ерөнхий технологичийн гарын үсэг, сертификаттай байгаа.


Энэ цуглуулга бол дарс цуглуулагчдын хувьд жинхэнэ ховор эрдэнэ. Хэрвээ энэхүү цуглуулгын авах бэл хүрэхгүй байгаа бол Penfolds-ийн өөр алдартай дарсыг 81 мянга 106 ам.доллараар худалдаж авч болох нь. Харин Penfolds үнэт цуглуулгын худалдаж авагсдад Австралийн  Аделаида хотод орших тус компанийн төв офисс болон дарсны үйлдвэртэй танилцах урилга илгээх гэнэ.