Голландын дизайнер Угур Сахин авангард стилийн бүтээл туурвигч гэдгээрээ алдартай. Тэрээр алдарт “Rolls-Royce”-ийн нэгэн хуучны загварыг өөрийн нүдээр амьдруулсныг уншигч та харж байна. “Rolls-Royce”-ийн эх болсон Phantom I Aerodynamic Coupe бол 1935 онд Бельгийн Jonckheere Works компанийн дизайнаар хийсэн бүтээл. Дэлхийн хоёрдугаар дайны дараа эдгээр машинаас ганцхан үлдсэн байна. Угур Сахин үүнийг сэргээн амьдруулахаар  зураг төслөө бэлэн болгожээ. Компьютерийн модель төдий байгаа “Rolls-Royce”-ийг амьдруулахын тулд цөөнгүй тэрбумтан хөрөнгө оруулагч болох санал тавиад байгаа юм. Phantom I Aerodynamic Coupe нь Калифорнийн нэгэн музейд одоогоор хадгалагдаж байна.