Энэ онд манай уран бүтээлчид  бүрэн хэмжээний 27, телевизийн олон ангит уран сайхны таван кино бүтээж үзэгчдийн хүртээл болгожээ. Энэ бүтээлүүдээс кино ертөнцийн мэдээ, мэдээллийн “Itismovie.mn” цахим хуудас хамгийн шилдгийг нь тодруулах юм байна. Ингэхдээ үзэгчдийн хамгийн олон санал авсан кино шилдэг болох гэнэ. Зөвхөн үзэгчдийн санаа бодол шүүх учир шударга шалгаруулалт болно хэмээн зохион байгуулагчид үзжээ. “Бурхан өршөөг”, “Долоон бурхан харвадаггүй”, “Том загас”, “Хоёулаа унтах уу”, “Миний ахын эхнэр”, “Валентины захидал”, “Дэлхийд дурласан сар”, “Би эмэгтэй хүн” зэрэг энэ онд бүтээсэн киноны дийлэнх нь романтик, инээдмийн кино байгаа аж.