УДЭТ-ын жүжигчин, Соёлын тэргүүний ажилтан С.Болд-Эрдэнэ эзэн Чингис хааны мэндэлсэн 850 жилийн ойн өдөр Алтангадас одонгоор энгэрээ мялаалаа.
Шагнал гардуулах ёслолын дараа түүнтэй цөөн хором
ярилцлаа.  

-Энэ сай­хан баярт өдөр Алтан­га­дас одон­гоор шаг­нуул­санд тань баяр хүргэе. Сэт­гэгд­лээсээ ху­ваалцахгүй юу?
-Сэтгэл үнэхээр өндөр байна. Яагаад гэвэл өнөөдөр их эзэн Чингис хааны мэндэлсэн өдрийг анх удаа тэмдэглэн өнгөрүүлж байна. Тэр аугаа хүний яг хэдийд төрснийг нь мэдэхгүй ч гэсэн тодорхой нэг өдрийг уламжлал болгон тэмдэглэж буйг дэмжиж байгаа. Тэгээд энэ сайхан баярын өдөр төрийн дээд одон медалиар энгэрээ мялаасандаа бүр ч илүү баяртай байна. Үүнээс гадна өнөөдөр ээж маань надтай хамт Алтангадас одонгоор шагнууллаа. Тиймээс танай сониноор дамжуулаад ээждээ хүүгийнх нь зүгээс тандаа хайртай шүү, нэг өдөр төрийн дээд шагнал авсандаа хүү нь их баяртай байна. Ээждээ халуун баяр хүргэе гэж дамжуулъя.
-Тэгэлгүй яахав, ээжтэйгээ нэг өдөр төрийн хүндэтгэлийг хүлээн гэдэг туйлын сайхан явдал. Ийм их хувь хүн бүрт тохиохгүй шүү дээ?
-Манай ээж урлагт зүтгэдэг хүн. Би бага наснаасаа урлагийн гэр бүлд өсч, өндийсөн. Улсын драмын эрдмийн театрт жүжигчин байсан Соёлын тэргүүний ажилтан Нэргүй гэж хүн бий. Одоо СУИС –д багшилдаг. Миний ээжийн хийж, бүтээсэн зүйлийг нь төр засгаас үнэлээд төрийн дээд одон медалиар шагналаа.