Данийн поп-софт рок "Michael Learns To Rock" хамтлаг Азид хийж буй аялан тоглолтынхоо хүрээнд ирэх сарын эхээр Монголд тоглолтоо хийх болсон тухайгаа албан ёсны цахим хуудсаараа зарлажээ. 1988 онд байгуулагдсан ч хэдэн жилийн өмнө "Take me to your heart" дуугаараа алдаршсан тус хамтлаг ирэх сарын 8-нд Буянт-Ухаа цогцолборт тоглох юм байна. Хамтлагийн вебсайтад мэдээлснээр тэд хоёр ч удаа тоглолт хийх бололтой. MLTR хамтлаг дэлхий даяар 11 сая цомог борлуулснаас зургаан сая нь Азид худалдаалагджээ.