МАН-ын удирдах зөвлөл хуралдаж гишүүний бүрэн эрхээсээ өөрийнхөө хүсэлтээр татгалзаад байгаа У.Хүрэлсүхийн оронд МАН-ын нарийн бичгийн дарга Д.Сарангэрэлийг тангараг өргүүлэхээр болжээ. Энэ саналаа Сонгуулийн Ерөнхий хороонд хүргүүлээд байгаа юм байна. Сонгуулийн Ерөнхий хорооноос Д.Сарангэрэлийн нэрийг өргөн баривал тангараг өргөнө. Ингэвэл УИХ дахь эмэгтэй гишүүдийн бүлэг 10 эмэгтэй гишүүнтэй болох юм. Мөн Баянзүрх дүүрэгт дахин сонгууль явуулбал 11 ч болох боломжтой болно гэдгийг эмэгтэй гишүүд хэлж байна.