МАН-ын гишүүд дэмжигчид Төрийн ордны гадаа жагсан УИХ-ын гишүүд, албаны хүмүүсийг нэвтрүүлэхгүй байснаас өнөөдөр өглөө 10,00 цагт эхлэх байсан УИХ-ын нэгдсэн чуулганы ирц хүрээгүйгээс хуралдаж чадалгүй УИХ-ын дарга нэгдсэн чуулганыг 15,00 цагт хуралдуулахаар шийдвэрлэсэн юм.  
Харин яг одоо УИХ-ын гишүүд чуулгандаа орохоор иртэл МАН-аас УИХ-д сонгогдсон гишүүд чуулганы танхимын хаалгыг хааж суугаад гишүүдийг оруулахгүй байна. Тэд бас чуулганы танхимын араас ордог хоёр хаалган дээр ч бас суужээ. МАН-ын гишүүд бичгийн цаасан дээр бичсэн “АН-ын СЕХ огцор”, “Олигархиуд захиалгаар хууль бус шийдвэр гаргаж байна”, “Шүүх цагдаа, прокурор АН-ын гарт орлоо” гэсэн уриа лоозон барьжээ.
УИХ-ын чуулганы нэгдсэн хуралдаан эхэлбэл Өвөрхангай аймгийн 10 дугаар тойрогт нэр дэшин өрсөлдсөн Г.Батхүү, Д.Зоригт нар тангараг өргөчихнө хэмээн МАН-ын гишүүд  ийнхүү УИХ-ын ажиллагааг бойкотолж байна гэлээ.