Өвөрхангай аймгаг дахь УИХ-ын 10 дугаар тойргийн асуудлаар буруу шийдвэр гаргаж, олонхийн санал авч түр үнэмлэхээ аваад байсан С.Чинзориг, Н.Төмөрхүү нарыг эргүүлэн татаж АН-аас нэр дэвшсэн Г.Батхүү, Д.Зоригт нарыг тангараг өргүүлэх СЕХ-ны шийдвэр нь улс төрийн байдлыг хурцатгалаа. МАН-ын гишүүд дэмжигчид Төрийн ордны гадаа эсэргүүцлийн жагсаал хийж байгаа бол УИХ-д МАН-аас сонгогдсон төрийн түшээд УИХ-ын чуулганы танхимд бас уриа лоозон барин жагсч байгаа юм байна. Тэд цаашдаа УИХ-ын чуулганд оролцохгүй гэдгээ бас илэрхийлжээ.
УИХ-д бие даан нэр дэвшиж сонгогдсон С.Ганбаатар, Ч.Даваасүрэн, Болорчулуун нар 10 дугаар тойргийн асуудлыг ийнхүү гоомой шийдвэрлэснийг буруутгаж МАН-ыг дэмжиж байгаагаа илэрхийлсэн байна.
Ийнхүү МАН-ын гишүүд дэмжигчид, эгэл ардууд нь гадаа хүйтэнд, дарга даамлууд нь төрийн ордонд дулаан тохитой газар жагсч байна.