Өвөрхангай аймаг дахь УИХ-ын 10 тойрогт  МАН-аас нэр дэвшин өрсөлдөж олонхийн санал авсан С.Чинзориг, Н.Төмөрхүү нарыг сурталчилгааны ажилдаа насанд хүрээгүй хүүхэд оролцуулж УИХ-ын сонгуулийн тухай хууль зөрчсөн хэмээж УИХ-д сонгогдсон түр үнэмлэхийг нь хураан АН-аас нэр дэвшсэн Г.Батхүү, Д.Зоригт нарыг тангараг өргүүлэхээр СЕХ шийдвэр гаргасан. СЕХ-ны эл шийдвэрийг УИХ-ын чуулганаар өнөөдөр хэлэлцэх гэж байгааг эсэргүүцэн МАН-аас Төрийн ордны гадаа хийж байгаа жагсаалд Өвөрхангай аймгийн сонгогчдын төлөөлөл 300 хүн ирж оролцож байгаа гэж МАН-аас мэдээлж байна. Сонгогчдын төлөөлөл, МАН-ын гишүүд өнөөдөр Трөийн ордны гадаа жагсч, ордныг гороолон эсэргүүцэл илэрхийлэх бол маргааш Сүхбатарын талбайд бүх нийтийн жагсаал зохион байгуулах юм байна. Харин нөгөөдөр эсэргүүцлийн суулт хийнэ гэж мэдэгдлээ.