УИХ-ын 2012 оны сонгуульд Өвөрхангай аймгийн 10 дугаар тойрогт МАН-аас нэр дэвшин өрсөлдсөн С.Чинзориг, Н.Төмөрхүү нарыг хууль зөрчсөн гэж шүүхээс үзсэнтэй холбоотойгоор АН-аас нэр дэвшсэн Г.Батхүү, Д.Зоригт нарыг тангараг өргүүлэх шийдвэрийг СЕХ гаргасан. Өнөөдөр  МАН-ын Удирдах зөвлөл Тусгаар тогтнолын ордонд хуралдаж СЕХ-ны энэ шийдвэр, цаашид хэрхэх талаараа хэлэлцэж дуусчээ.
Тус намаас удахгүй хэвлэлийн хурал зарлаж энэ талаар байр сууриа илэрхийлэх гэнэ. Ойрын эх сурвалжийн өгч буй мэдээлэлээр шүүхийн шийдвэрийг хүлээн зөвшөөрөхгүй, АН-аас нэр дэвшигчид тангараг өргөх ёсгүй гэж үзэж буй ажээ.
МАН-аас нэр дэвшиж өрсөлдсөн С.Чинзориг, Н.Төмөрхүү нар нь иргэдэд архи, эд зүйл, мөнгө тарааснаас гадна сонгуулийн сурталчигаандаа насанд хүрээгүй хүүхэд оролцуулсан гэж шүүхээс тогтоосон юм байна.