Нийслэлийн засаг дарга бөгөөд Улаанбаатар хотын захирагч Д.Сумъяабазар нийтийн тээврийн асуудлаар Засгийн газрын хуралдаанд танилцуулга хийлээ.

Засгийн газрын өнөөдрийн хуралдаанаар Ерөнхий сайд 2024 он гэхэд нийтийн тээврийн салбарт бүрэн шинэчлэл хийх үүргийг өгөв.

Нийтийн тээврийн шинэчлэлийг 2024 он хүртэл хоёр үе шаттай хийнэ.

УБ хотын нийтийн тээвэрт 1,432 автобус шаардлагатай. Шаардлагатай автобусны 50 хувийг энэ онд, үлдсэн 50 хувийг 2023-2024 онд шийдэж, нийтийн тээврийн асуудлыг нэг мөр цэгцлэх үүргийг холбогдох албан тушаалтнуудад өглөө.