Нийслэлийн захирагчийн алба Сууц Өмчлөгчдийн Холбоотой хамтран орон сууцны хороолол дундах зөвшөөрөлгүй, өнгө үзэмж муутай, орц гарц хаасан хашаа, хайсыг буулгахаар болов. Тэдний энэ хамтын ажиллагааны дүнд орон сууцны дундуур түргэн тусламжийн болон гал унтраах автомашин чөлөөтэй нэвтрэх боломж бүрдэхээс гадна оршин суугчдын зорчих хөдөлгөөн чөлөөтэй болж, хотын өнгө үзэмж, хороолол хоорондын тохижилт үйлчилгээ сайжрах юм.