Ж.Соронзон: Өөрсдийн залхуугаас болж сургуулиасаа хасагдсан

Ханын материал орчмын гэр хорооллын газар чөлөөлөлт 95 хувьтай байна Хагас коксон шахмал түлш тохирлын гэрчилгээтэй боллоо “Оргил стар” хотхоноос Зайсангийн гүүр хүртэл 550 метр явган хүний замыг шинэчиллээ “Лос Анжелес 2028” олимпын тэтгэлэгт хөтөлбөрт хамрагдах тамирчдыг зарлалаа "Баянхошуу" цэцэрлэгт хүрээлэн ирэх сард ашиглалтад орно ТЭЦ-5 станц 340 Гкал дулаан, 300 МВт цахилгаан үйлдвэрлэнэ Иран Улсын Элчин сайд Итгэмжлэх жуух бичгээ өргөн барив Увс, Завхан аймагт ажиллаж, өвөлжилт, хаваржилтын бэлтгэл ажилтай танилцлаа ОЛОН УЛСЫН САНХҮҮГИЙН КОРПОРАЦ ГОЛОМТ БАНКАНД 160 САЯ АМ. ДОЛЛАРЫН САНХҮҮЖИЛТИЙГ ОЛГОЛОО “Сэлбэ 20 минутын хот” төслийн барилгын талбайд нийт 532 хүн ажиллаж байна

2012-9-14

Хичээлийн шинэ жил эхлээд удаагүй байхад ОХУ-ын ерөнхий боловсролын стандартаар үйл ажиллагаа явуулдаг Монгол, Оросын хамтарсан III сургуулийн удирдлага есдүгээр ангийн 80 шахам сурагчаа хассан гэдэг мэдээлэл олныг гайхшрууллаа. Чухам ямар шалтгааны улмаас ийнхүү олон сурагчаа хассан талаар тус сургуулийн захирал Ж.Соронзонтой холбогдож тодрууллаа.

-Таныг ямар ч үндэслэлгүйгээр 80 шахам сурагчаа хассан гэх юм. Энэ үнэн үү?
-Үндэслэлгүйгээр хасна гэж юу байхав. Сурлагын дүн нь хангалтгүй байсан хэрэг. Хаврын шалгалтад 1-4 хичээлдээ муу дүн үзүүлсэн хүүхдүүд байгаа юм. Тэгээд ч 80 шахам биш 63 сурагч. Тэдний 11 нь л хасагдах хэмжээнд хүрсэн.
-Шалгалтдаа муу дүн үзүүлснийх нь төлөө шууд хасчихаж байгаа хэрэг үү. Хавар наймдугаар ангиа төгсөх үед нь хасч болоогүй юм уу?
-Хамгийн гол нь, бид шалгалтдаа муу дүн үзүүлсэн хүүхдүүдээсээ энэ намар дахин шалгалт авсан юм. Хоёроос дээш шалгалтдаа унасан 11 хүүхдийг хасахаас өөр яалтай ч билээ. Хавар хүүхдүүдийнх нь сурлагын талаар эцэг эхчүүдэд нь танилцуулсан. Гэвч хүүхэддээ анхаарал тавихгүй, зуны гурван сарын хугацаанд хичээл номыг нь ч давтуулаагүй байж ингэж хэрүүл тэмцэл хийгээд, дарамтлах гэж үзэж байгаад нь үнэхээр гайхаж байна. Тэгээд хүүхдүүд ч залхуу байна. Хаврын шалгалтдаа унасан 200 гаруй хүүхдээс 111 нь давтан шалгалтаа амжилттай өгсөн юм. Тэдний адил шалгалтаа амжилттай өгөх боломж байсан.
-Тэгэхээр одоо 11 хүүхдийн хэрхэх болж байна вэ?
-Өөрсдөөс нь л болсон хэрэг шүү дээ. Манайх бусад ерөнхий боловсролын сургуулийг бодвол хөндлөнгийн үнэлгээтэй. Хамгийн гол нь, энэ хүүхдүүд орос программаар сурч чадахгүй байна. Манай багш нар өөрсдөө сууж байгаад шалгалтаа авдаггүй. Төгсөх шалгалтыг Оросоос томилогдсон комисс ирж авдаг. Сар гаруйн дараа хүүхдүүдийн шалгалтын хариу ирдэг гээд их шаардлага өндөртэй. Гэтэл энэ хүүхдүүд ийм маягаараа явбал төгсч чадахгүй шүү дээ. Дэмий л цагаа үрж байна гэсэн үг.

А.Ану

ЖИРГЭХ ХУВААЛЦАХ

0 Сэтгэгдэл