Нийслэлийн Засаг дарга бөгөөд Улаанбаатар хотын захирагч Э.Бат-Үүл өнөөдөр захирамж гаргаж дараахь хүмүүсийг Нийслэлийн Засаг даргын хэрэгжүүлэгч агентлаг болон Захирагчийн ажлын албаны харьяа газрын даргаар сонголоо. Нийслэлийн Боловсролын газрын даргаар Ц.Отгонбагана, Нийслэлийн Өмчийн харилцааны газрын даргаар Ш.Төмөрбаатар,  Нийслэлийн Авто замын газрын дарга Д.Нанзаддорж,  Нийслэлийн Цагдаагийн газрын дарга Хурандаа, Д.Батжаргал,  Ус сувгийн удирдах газрын дарга С.Үнэн,  Усны барилга байгууламж  НӨҮГ-ын дарга С.Майнбаяр,  “Улаанбаатар зам засвар, арчлалт компани” НӨҮГ-ын дарга Ц.Арсландорж, Хот тохижилтын газрын дарга Д.Энхсайхан, Орон сууц, нийтийн аж ахуйг удирдах газрын дарга Ч.Бямбажав, Халаалтын зуухны ашиглалт, зохицуулалтын газрын дарга  З.Занданпүрэв, Гэр хорооллыг барилгажуулах төслийн нэгж Ш.Ганхуяг, Нийслэлийн Хөрөнгө оруулалтын газрын дарга С.Очирбат нарыг шинээр томилсон байна. Үүнээс “Улаанбаатар зам засвар, арчлалт компани” НӨҮГ-ын даргаар Монгол Улсын Ерөнхийлөгч Ц.Элбэгдоржийн төрсөн ах Ц.Арсландорж томилогдсон бол Усны барилга байгууламж  НӨҮГ-ын даргаар ардчилалын анхдагч, Хонх хамтлагийн дуучин, нэрт нийтлэлч С.Цогтсайхан агсны төрсөн ах С.Майнбаяр томилогдсон байна.