Засгийн газрын өнөөдрийн хурлаар нийслэлд үйл ажиллагаа явуулдаг төрийн  байгууллагын ажил эхлэх, дуусах цагт өөрчлөлт орууллаа.Энэ дагуу төрийн байгууллагын ажил 08:00 цагт эхэлж 17:00 цагт дуусна.  Мөн ерөнхий боловсролын сургууль, цэцэрлэг 08:00  цагт хүүхдүүдээ хүлээн авах бол их, дээд сургуулийн хичээл 09:00  цагт эхлэх юм байна. Энэ шийдвэрийг есдүгээр сарын 3-ны өдрөөс мөрдөж эхлэхээр боллоо. Дээрх шийдвэр нь нийслэлийн нийтийн тээврийн ачааллыг зохицуулах, автозамын түгжрэлийг багасгах зорилготой юм. Өнгөрсөн жилээс нийслэлийн төр, захиргааны болон харьяа байгууллагууд 08:00 цагаас ажиллаж эхэлснээр замын ачаалал 20 хувиар буурсан гэсэн тооцоо гарсан байна.