Японы алдартай хөгжимчин Юзуко Хоригоме Франкфуртын нисэх онгоцны буудалд 1,2 сая ам.долларын үнэтэй хийлээ хураалгажээ. Тэрээр хийл эзэмшигчийн баримт бичгээ тухайн үед авч яваагүй атлаа гаалийн мэдүүлэгт энэ тухайгаа илтгээгүй учраас гаалийн байгууллага хурааж, 190 мянган евро татварт төлөхийг шаардаж байгаа аж. 54 настай хөгжимчин Германаас тэр даруй Бруссельд ирж, эзэмшигчийнхээ бичиг баримтыг Германы гаалийн байгууллага руу илгээсэн боловч хийлээ авч чадахгүй долоо хонож байгаа аж.
Ю.Хоригомегийн үнэт хийл нь Италийн алдарт мастер Йосеф Гуарнери дел Гесүгийн хийц бөгөөд дуугаралтын чанараараа дэлхийд гайхагддаг юм. 18-р зууны үед бүтээсэн эл хийлийг тэрээр 1986 онд худалдан авснаасаа хойш дэлхийн томоохон театруудад тоглолтоо хийж байжээ.