Ховд аймгийн Онцгой байдлын газраас “Мерси Кор Монгол” ОУБ-аас хэрэгжүүлж байгаа “Гамшгийн эрсдэлийг бууруулахад уламжлалт болон шинжлэх ухааны аргыг ашиглах нь” төслийн хүрээнд Улсын нөөцийн салбарын хүнс, өвс тэжээлийн нөөцийн агуулахыг засварлаад байна.
Тус агуулахад 1986 оноос хойш засвар үйлчилгээ хийгээгүй аж. Иймд  хүнс, өвс тэжээлийг стандартын дагуу хадгалахад хүндрэл учирдаг байжээ. Тиймээс Онцгой байдлын газар болон “Мерси Кор Монгол” ОУБ-ын 60 сая төгрөгийн санхүүжилтээр бүрэн засварлаж, ашиглалтад оруулсан байна.