МАХН-ын дарга Н.Энхбаярын шүүх хурал энэ сарын 31 буюу нөгөөдөр болно. Харин МАХН энэ шүүх хурлаар АН-ыг шантаажлав. Тэд Хамтарсан Засгийн газар байгуулах гэрээндээ “Засгийн газар байгуулахад болон түүний үйл ажиллагааны явцад төр засгийн аливаа институцийн зүгээс улс төрийн хэлмэгдүүлэлт гаргах аваас “МАХН-МҮАН-ын Шударга ёс эвсэл” нь Хамтарсан Засгийн газар байгуулах талаар явагдаж буй хэлэлцээг зогсоох бөгөөд Хамтарсан Засгийн газрын үйл ажиллагааг дэмжихгүй, түүнээс гарах болно гэдгээ ил тод мэдэгдсүгэй” гэж заасныг сануулж албан ёсоор сануулав. Өөрөөр хэлбэл, Н.Энхбаярыг шүүх хурлаар буруутай хэмээн үзээд баривчилчихвал улс төрийн хэлмэгдүүлэлт гэж үзээд МАХН Хамтарсан Засгийн газраас гарах юм байх. Харин үүний хариуг АН хэрхэн барих нь сонирхол татаж байна. Н.Энхбаярын хэргийг хэрэгсэхгүй болгох уу, эсвэл Шүүх бол улс төрийн институц биш гэж үзэх юм болов уу. Ямартай ч, МАХН-ынхан хэдхэн минутын өмнө улс төрийн хэлмэгдүүлэлт гарвал бид Хамтарсан Засгийн газраас татгалзана хэмээн ОНХМХ хэлтсээс мэдээллээ.