МАН-ын бага хурал өнөөдөр үдээс хойш үргэлжлэн хуралдана гэнэ. Яг л 1920, 30-аад онд МАХН-ын их хурал арав хорин хоног хуралдаж байсантай адил намынхаа дотоод асуудал, албан тушаал, сандал суудлаа гурав дахь өдрөө ярьж байгаа нь энэ. МАН-ынхан уг нь мягмар гарагт бага хурлаа хийгээд лхагва гарагт УИХ-ын анхдугаар чуулганд оролцоно гэж байсан нь худал болох нь ийнхүү батлагдаж байна. Азаар УИХ-д суудалтай бусад намууд анхдугаар хуралдаанаа хийж даргаа сонгоогүй бол төрийн ажил алба МАН-ын дотоод ажлаас болоод хэдэн ч хоногоор гацаж мэдэх байжээ.