Монгол Улсын Засгийн газар УИХ-ын тогтоолын дагуу 2011 оноос малчдад анх удаа ноосны урамшуулал олгож эхэлсэн. Энэ урамшууллыг үндэсний үйлдвэрүүдэд  хонь, тэмээний ноосоо нийлүүлсэн 21 аймаг, нийслэл, дүүргийн 41851 малчнаас 32977 нь авчээ.  
Ноосоо тушаасан хэдий ч бичиг баримтын зарим бүрдүүлэлтээ дутуу ирүүлснээс 7744 малчин өрх урамшуулалд хамрагдаж чадаагүй байсан юм. Тиймээс урамшуулалд шаардагдах хөрөнгийг энэ оны төсөвт төсөвлөсөн ноосны урамшуулалд олгох эс үүсвэрээс нэг удаагийн арга хэмжээ болгон олгох тухай  Засгийн газрын тогтоолын төслийг баталлаа.