Өчигдрийн байдлаар Булган аймаг Бугат суманд 1, Сэлэнгэ аймгийн Хүдэр суманд 1, Ерөө суманд 2, Мандал суманд 1 түймэр, Хэнтий аймгийн Өмнөдэлгэр суманд 1 түймэр, Төв аймгийн Мөнгөнморьт суманд 1 түймэр, Дорнод аймгийн Халх гол суманд 1 түймэр, нийт 8 түймэр гарч байна гэдэг мэдээллийг Онцгой байдлын ерөнхий газраас өгсөн.

Харин өнөөдөр түймрийн тоо нэгээр нэмэгджээ. Тодруулбал, Төв аймгийн Батсүмбэр сумын Цогт-Өндөр багийн “Чулуут  голын гарам” гэдэг  газар  /сумын төвөөс зүүн хойд зүгт  50 км-т/ ойн түймэр гарсан тухай дуудлагыг өчигдөр 21:12 цагт хүлээн авч тус аймгийн Онцгой байдлын газрын 15 алба хаагч, орон нутгийн 20 иргэн, нийт 35 хүн, 3 техник хэрэгсэлтэйгээр унтраахаар ажиллаж байгаа юм байна. Гарч буй түймрийг ямар бүрэлдэхүүнтэйгээр унтраахаар ажиллаж байгааг Онцгой байдлын ерөнхий газраас өгч буй мэдээллийн дагуу тоймлон хүргэе.

Булган аймгийн Бугат сум, Булган аймгийн Бугат сумын Ханжаргалант багийн “Майхант” гэдэг газар /аймгийн төвөөс баруун хойд зүгт 100 км-т/ ойн түймэр гарсан тухай дуудлагыг 2017.06.26-ны өдрийн 23:27 цагт хүлээн авч тус аймгийн Онцгой байдлын газрын 2 алба хаагч, Дархан-Уул аймгийн Онцгой байдлын газрын 5 алба хаагч, орон нутгийн 20 иргэн, нийт 27 хүн, 3 техник хэрэгсэлтэйгээр унтраахаар ажиллаж байна.

Сэлэнгэ аймгийн Ерөө сум, Бугант багийн “Байшинт-Уул” гэдэг газарт /сумын төвөөс зүүн урд зүгт 108 км-т/ ойн түймэр гарсан дуудлагыг  2017.06.27-ны өдрийн 09:00 цагт хүлээн авч тус аймгийн Онцгой байдлын газрын 12 алба хаагч, орон нутгийн 20 иргэн, нийт 32 хүн, 3 техник хэрэгсэлтэйгээр ажиллаж байна.
Хэнтий аймгийн Өмнөдэлгэр сум, Баянзүрх багийн “Цонджидын Чулуут” гэдэг газар /сумын төвөөс хойд зүгт 200 км-т/ ойн түймэр гарсан тухай дуудлагыг 2017.06.25-ны өдрийн 19:00 цагт хүлээн авч ОБЕГ-ын харьяа Аврах тусгай ангийн 24 алба хаагч унтраахаар ажиллаж байна.

Дорнод аймгийн Халхгол сумын Цогтсүмбэр багийн “Эрс-Уул” гэдэг газар /сумын төвөөс зүүн хойд зүгт 35 км/ хээрийн түймэр гарсан тухай дуудлагыг 06.27-ны өдрийн 19:35 цагт хүлээн авч тус аймгийн Онцгой байдлын газрын 7 алба хаагч, Хилийн 0198 дугаар ангийн 6 алба хаагч, орон нутгийн 18 иргэн, нийт 31 хүн, 4 техник хэрэгсэлтэйгээр ажиллаж унтраасан боловч 06.29-ний өдрийн 17:00 цагт дахин ассан тухай дуудлагыг  17:35 цагт хүлээн авч Аймгийн Онцгой байдлын газрын 12 алба хаагч, орон нутгийн 19 иргэн, нийт 31 хүн, 4 техник хэрэгсэлтэйгээр ажиллаж байна.