ОХУ-ын ерөнхийлөгч Владимир Путиныг өнгөрсөн 27-ны өдөр удмуртын Ижевск хотод ажиллахаар ирэхийн өмнө гудамжинд, интернетийн сүлжээгээр анхааруулга түгээсэн байна. “Хувийн болон хүүхэд багачуудын аюулгүй байдлын үүднээс” гэсэн энэ анхааруулгад 27-ны өдөр  цонхоо нээхгүй, цонх руугаа ойртохгүй байхыг  сануулжээ.

Мөн “ямар ч үед цонхороо гадагш харахгүй, тагтан дээр гарахгүй” байх ёстой гэнэ. Үүний зэрэгцээ ерөнхийлөгчийн цуваа явж байхад зураг авахгүй, хашгирахгүй байхыг анхааруулсан байна.
Мягмар гарагт Владимир Путин Ижевск хотод ажиллаж, шууд нэвтрүүлгийн нь үеэр бараг модон сарайнд амьдарч байгаагаа гомдоллосон иргэн Анастасия Вотинцеватай уулзсан юм байна.